3 അന്നാ മാണി (1918 -2001)
കേരളത്തില് ജനിച്ചു
വളര്ന്ന മറ്റൊരു വനിതാ
ശാസ്ത്രജ്ഞയായിരുന്നു അന്നാ മാണി.
കാലാവസ്ഥാ നിരീക്ഷണത്തിലും പ്രവചനത്തിലും സ്വന്തമായ പല കണ്ടുപിടുത്തങ്ങളും അവരുടെ
സംഭാവനയായുണ്ട്. പൂനയിലെ ഇന്ത്യന് കാലാവസ്ഥാ നിരീക്ഷണ സ്ഥാപനത്തില് ആയിരുന്നു അവര് ദീര്ഘകാലം ജോലി
ചെയ്തിരുന്നത്. ഊര്ജ തന്ത്രത്തില് ബിരുദധാരിയായിരുന്ന അവര് ഇന്ത്യയിലെ കാലാവസ്ഥാ നിരീക്ഷണരീതിയിലും
പ്രവചനത്തിലും വിപ്ലവകരമായ മാറ്റങ്ങള്
വരുത്തിയ ആളായിരുന്നു. കാലാവസ്ഥാ നിരീക്ഷണത്തിനുവേണ്ടിയും സൂര്യനില്
നിന്നു കിട്ടുന്ന വികിരണവും
അളക്കുവാന് ഉപകരണങ്ങളുടെ ഒരു ശ്രുംഖല
തന്നെ ഉണ്ടാക്കി. കാലാവസ്ഥാമാപനത്തിനുള്ള
നൂറോളം ഉപകരണങ്ങള് രൂപകല്പ്പന ചെയ്ത്
അവ നിര്മ്മിക്കാനുള്ള പണിശാലകളും
ഉണ്ടാക്കി. കാറ്റിന്റെ വേഗതയും സൌരോര്ജ്ജത്തിന്റെ ലഭ്യതയും അളക്കാന് ആവശ്യമായ ഉപകരണങ്ങളും നിര്മ്മിക്കാന് നേത്രുത്വം കൊടുത്തു.
ആദ്യകാല ജീവിതം
അന്ന
മോഡയില് മാണി 1918 ല് കേരളത്തിലെ
പീരുമേട്ടില് ഒരു സിറിയന്
ക്റിസ്ത്യന് കുടുംബത്തില് ആണ് ജനിച്ചത്. അച്ഛന് ഒരു സിവില് എഞ്ചിനീയറായിരുന്നു, മതപരമായ നിഷ്ടകള്ക്കൊന്നും വലിയ
വില കല്പ്പിക്കാത്ത ഒരാളായിരുന്നു അദ്ദേഹം. അവരുടെ എട്ടു മക്കളില് ഏഴാമത്തേതായിരുന്നു അന്ന. ചെറുപ്പകാലത്ത് വായനയില്
വളരെയധികം തല്പ്പരയായിരുന്നു അന്ന. വൈക്കം
സത്യാഗ്രഹത്തില് പങ്കെടുത്ത ഗാന്ധിജിയോട്
അവര്ക്കു വളരെയധികം സ്നേഹാദരങ്ങള് തോന്നിയിരുന്നു. ദേശീയ സ്വാന്തന്ത്ര്യ പ്രവര്ത്തനങ്ങളില് ആക്രുഷ്ടയായ അന്ന ഖാദിപ്രസ്ഥാനത്തില് ഇടപെട്ടു ഖാദി വസ്ത്രം
ആണുപയോഗിച്ചിരുന്നത്.
അന്നയുടെ കുടുംബം
കേരളത്തിലെ യാഥാസ്ഥിതികരായ ഒരു
ക്റുസ്ത്യന് കുടുംബം ആയിരുന്നു. ആണ്കുട്ടികള് ഉന്നത
വിദ്യാഭ്യാസത്തിനൊക്കെ പോയി ജോലി
അന്വെഷിക്കുകയും പെണ്കുട്ടികളെ പ്രാഥമികമായ
വിദ്യാഭ്യാസം മാത്രം കൊടുത്ത് പ്രായപൂര്ത്തിയാകുമ്പോള് വിവാഹം കഴിച്ചു കൊടുക്കുന്ന
ഒരു സാധാരണ കുടുംബം. എന്നാല് അന്ന ഇതിനൊരപവാദം ആയിരുന്നു.
ബാല്യകാലം മുതലേ പുസ്തകവായനയില് അതീവ
തല്പ്പരയായിരുന്ന അവള് ഏതാണ്ട്
എട്ടു വയസ്സു പ്രായമായപ്പോള് തന്നെ അവിടെ വായനശാലയില് കിട്ടാവുന്ന എല്ലാ മലയാള പുസ്തകങ്ങളും വായിച്ചു കഴിഞ്ഞിരുന്നു. തുടര്ന്ന് ഇങ്ലീഷ്
പുസ്തകങ്ങള് വായിച്ച് 12
വയസ്സായപ്പോള് ആ വായനശാലയിലെ
എല്ലാ ഇങ്ലീഷ് പുസ്തകങ്ങളും വായിച്ചു
തീര്ത്തു. എട്ടാമത്തെ വയസ്സില് അവളുടെ
കുടുംബത്തില് പതിവായിരുന്ന
വജ്റത്തിന്റെ കമ്മലുകള് അവള്ക്ക്
വേണ്ടെന്നു പറഞ്ഞു., പകരം എന്സൈക്ലോപ്പീഡിയ ബ്രിട്ടാനിക്ക
വാങ്ങി കൊടുക്കാനാണ്
ആവശ്യപ്പെട്ടത്. പുസ്തകങ്ങളുടെ
ലോകം അവള്ക്ക് പുതിയ ആശയങ്ങളുടെ
ഒരു ലോകം തുറന്നു കൊടുത്തു. അതോടൊപ്പം
ഉയര്ന്ന സാമൂഹ്യ നീതി ബോധവും അന്നക്ക് സ്വന്തമായി.
വിദ്യാഭ്യാസം
അന്നയുടെ ആഗ്രഹം
ഡാന്സ് പഠിക്കണമെന്നായിരുനു
എങ്കിലും ഊര്ജതന്ത്രമാണ് അവള്
പഠിച്ചു തുടങ്ങിയത്. അതില്
പെട്ടെന്നു താല്പര്യം ഉണ്ടാവുകയും
ചെയ്തു. 1939 ല് മദിരാശിയിലെ പച്ചയ്യപ്പാസ് കോളേജില് നിന്നു ഊര്ജതന്ത്രത്തിലും രസതന്ത്രത്തിലും ബി.എസ്.സി.ഹോണേറ്സ് ബിരുദം നേടി. 1940ല് ബാമ്ഗളൂരിലെ
ഇന്ത്യന് ഇന്സ്റ്റിറ്റ്യൂട് ഓഫ്
സയന്സിലേക്കു ഗവേഷണത്തിനു സ്കോളര്ഷിപ്പു നേടി. 1945ല് അന്ന ലണ്ടനിലെ ഇമ്പീരിയല് കോളേജില് ഊര്ജ
തന്ത്രത്തില് ഉപരി പഠനത്തിനു ചേര്ന്നു. എന്നാല് അവിടെ
വെച്ച് അവര് കാലവസ്ഥാ
നിരീക്ഷണ ഉപകരണങ്ങളെ പറ്റിയാണ് പഠിച്ചത്.
ഔദ്യോഗിക ജീവിതം
പച്ചയ്യപ്പാസ് കോളെജില് നിന്നും ബിരുദം നേടിയ ശേഷം പ്രൊഫ.
സോളമന് പപ്പയ്യയുടെ കീഴില് റൂബിയുടെയും വജ്രത്തിന്റെയും പ്രകാശ വികിരണ
സ്വഭാവത്തെ കുറിച്ച് ഗവേഷണം
നടത്തി. ഈ വിഷയത്തില് അവര് അഞ്ചു
ഗവേഷണ പ്രബന്ധങ്ങള് പ്രസിദ്ധീകരിച്ചു.
തുടര്ന്നു പി.എച്.ഡി. തീസിസും സമര്പ്പിച്ചു
എങ്കിലും അവര്ക്ക് ഊര്ജതന്ത്രത്തില് മാസ്റ്റര്
ബിരുദം ഇല്ലാഞ്ഞതു കൊണ്ട് പി.എച്.ഡി. ബിരുദം നല്കുകയുണ്ടായില്ല. 1948ല് ലണ്ടനില്
നിന്നു മടങ്ങിയെത്തിയ അവര് പൂനയിലെ
കാലാവസ്ഥാ നിരീക്ഷണ സ്ഥാപനത്തില്
ഉദ്യോഗത്തില് പ്രവേശിച്ചു.
അവിടെ ജോലിയിലിരിക്കുമ്പോള് കാലാവസ്ഥാ
നിരീക്ഷണത്തിനു വേണ്ടി വിവിധ
ഉപകരണങ്ങളെ സംബന്ധിച്ച് പ്രബന്ധങ്ങള്
പ്രസിദ്ധീകരിച്ചു. ജോലിയുടെ
ഭാഗമായി ബ്രിട്ടണില് നിന്നും
ഇറക്കുമതി ചെയ്ത ഇത്തരം ഉപകരണങ്ങള് സ്ഥാപിക്കുക ആയിരുന്നു അവര് ചെയ്തിരുന്നത്. 1953 ല് അവര്
അവരുടെ വിഭാഗത്തിന്റെ അദ്ധ്യക്ഷയായി. അവരുടെ കീഴില്
121 പുരുഷ്നമാര് അന്നു
ജോലി ചെയ്തു വന്നു.
അന്ന
മാണിയുടേ അടുത്ത ലക്ഷ്യം
ഭാരതത്തില് ഇത്തരം ഉപകരണങ്ങള്
നിര്മ്മിച്ച് സ്വയം
പര്യാപ്ത നേടുക എന്നതായിരുന്നു. അവര് 100 ലധികം ഉപകരണങ്ങള്ക്ക് മാനദണ്ഡങ്ങള് നിശ്ചയിച്ചു. 1957-58 കാലഘട്ടത്തില് സൌരോര്ജ്ജ
നിരീക്ഷണ ഉപകരണങ്ങളുടെ ഒരു ശ്രുംഖല
തന്നെ ഉണ്ടാക്കി. കാറ്റിന്റെ
വേഗത അളക്കാനും സൌരോര്ജ്ജം
അളക്കാനും ഉള്ള ഉപകരണങ്ങള് ഉണ്ടാക്കാന് ഒരു പണിശാല അവര്
ബാംഗളൂരില് സ്ഥാപിച്ചു. ഓസോണ് അളക്കാനുള്ള ഒരു ഉപകരണം വികസിപ്പിക്കുവാനും
അവര് പരിശ്റമിച്ചു. അവര് അന്തര്ദ്ദേശീയ
ഓസോണ് സംഘടനയിലെ ഒരംഗമായി . തുമ്പയിലെ റോക്കറ്റ്
ലോഞ്ചിങ് സ്ടേഷനില് കാലാവസ്ഥാ നിരീക്ഷണ ടവറും അവര് സ്ഥാപിച്ചു.
അവര് പൂറ്ണ സമയം ജോലിയില്
വ്യാപ്റുത ആയിരുന്നതു കൊണ്ട്
വിവാഹം കഴിച്ചില്ല. ഇന്ത്യന് നാഷണല്
സയന്സ് അക്കാഡമി, അമേരിക്കന് കാലാവസ്ഥാ
നിരീക്ഷണ സൊസൈറ്റി, അന്ത്ര ദേശീയ സൌരോര്ജ സൊസൈറ്റി, ലോക മീറ്റിയറോളൊജിക്കല് സൊസൈറ്റി , കാലാവസ്ഥാ നിരീക്ഷണത്തിനും അന്തരീക്ഷ ഊര്ജ്ജതന്ത്രത്തിനും വേണ്ടീയുള്ള അന്ത്രദേശീയ സൊസൈറ്റി എന്നിവയില് അവര് സജീവമായി
പ്രവര്ത്തിച്ചു. 1987ല് ഇന്ത്യന്
നാഷണല് സയന്സ് അക്കാഡമിയുടെ കെ.ആര്.രാമനാഥന് മെഡലിനു
അന്ന മാണി അര്ഹയായി.
1969 ല് ഡെപ്യുട്ടി ഡയറക്ടര് ജനറല്
ആയി ഉദ്യോഗക്കയറ്റം കിട്ടി അവര് ഡല്ഹിയിലേക്ക്
സ്ഥലം മാറി. 1975 ലോക മീറ്റിയറോളജി
വിദഗ്ദ്ധയായി ഈജിപ്റ്റില് പ്രവര്ത്തിച്ചു.
1976 ല് ഇന്ത്യന് മീറ്റിയറോളജി വിഭാഗത്തിന്റെ ഡയറക്ടറായി അവര് ജോലിയില് നിന്നു വിരമിച്ചു.
1994 ല് അവര്ക്ക് ഒരു സ്റ്റ്റോക്ക്
ഉണ്ടായി , അതില് നിന്നും രക്ഷ നേടാന് കഴിയാതെ 2001 ആഗസ്റ്റ് 16 നു
അവര് തിരുവനന്തപുരത്തു വെച്ച്
ദിവംഗതയായി. ലോക മീറ്റിയറോളജി
സംഘടന അവരുടെ നൂറാമത്തെ
ജന്മദിനം അവരുടെ ജീവിതത്തിന്റെ
സംഭാവനകള്
അനുസ്മരിച്ചുകൊണ്ടും അവരുടെ ഒരു
അഭിമുഖവുമായി ആഘൊഷിച്ചു.
അവലംബം
https://en.wikipedia.org/wiki/Anna_Mani
അഭിപ്രായങ്ങള്
ഒരു അഭിപ്രായം പോസ്റ്റ് ചെയ്യൂ