ഈ .കെ. ജാനകി അമ്മാള് (1897 –
1984)
നമ്മുടെ കേരളത്തിലെ
തലശ്ശേരിയില് ജനിച്ച് 1931 ല്
അമേരിക്കയിലെ മിച്ചിഗണ് സര്വകലാശാലയില്
നിന്നു ഡോക്ടറേറ്റ് നേടിയ ജാനകി
അമ്മാള് ഇന്ത്യന് സയന്സ്
അക്കാഡമിയുടെ സ്ഥാപകയായ വിശിഷ്ട
വ്യക്തിയും (Founder Fellow ) ആദ്യത്തെ പത്മശ്രീ അവാര്ഡ് ജേതാവും പ്രശസ്തയായ സസ്യശാസ്ത്രജ്ഞയും ആയിരുന്നു. സസ്യങ്ങളുടെ കോശങ്ങളെക്കുറിച്ച് പഠിക്കുന്ന ശാസ്ത്രശാഖയായ സൈറ്റോളജി ആയിരുന്നു അവരുടെ ഗവേഷണമേഖല. സസ്യങ്ങളുടെ ജനിതക
പഠനത്തില് ഗണ്യമായ സംഭാവനകള് അവരുടെ
വകയായുണ്ട്.
ജീവചരിത്ര സംഗ്രഹം
തലശ്ശേരിയിലെ
ഒരു ന്യായാധിപനായിരുന്ന ദിവാന് ബഹദൂര്
ഇടവാലത്ത് കക്കാട് ക്റുഷ്ണന് , കുറൂവായി ദേവി എന്നിവര്ക്കു
1987ല് ജനിച്ച മകളായിരുന്നു ജാനകി. ജാനകിയുടെ അമ്മ തിരുവിതാങ്കൂര് ഭാഗത്തെ ബ്രിട്ടീഷ് കോളോണിയല് ഭരണാധികാരിയായിരുന്ന
ജോണ് ചൈല്ഡ് ഹാനിങ്ടണിനു ഒരു ഇന്ത്യന് വനിതയില് ജനിച്ചവര് ആയിരുന്നു.
ജാനകിയുടെ പ്രാഥമിക വിദ്യാഭ്യാസം തലശ്ശേരിയിലെ
സേക്രഡ് ഹാര്ട്ട് കോണ് വെന്റില് ആയിരുന്നു.
തുടര്ന്നു മദിരാശിയിലെ ക്വീന് മേരീസ് കോളേജില് പഠിച്ചു. മദിരാശിയിലെ പ്രസിഡന്സി
കോളേജില് നിന്നു ബോട്ടണിയില് ഹോണേറ്ശ് ബിരുദം നേടിയതിനു ശേഷം 1924 ല് അമേരിക്കയിലെ മിച്ചിഗണ്
സര്വകലാശാലയില് ഉന്നതപഠനത്തിനു സ്കോളര്ഷിപ്പോടുകൂടി ചേര്ന്നു. 1931 ല് പി.എച്.ഡി. ബിരുദം നേടിയതിനു ശേഷം ഇന്ത്യയില് തിരിച്ചു വന്നു. മദിരാശിയിലെ വിമന്സ്
ക്റുസ്ത്യന് കോളെജില്
പ്രൊഫസറായി ഏതാനും വര്ഷം ജോലി ചെയ്തു. അതിനു ശേഷം അവര് മിചിഗണില് തിരിച്ചെത്തി. 1956 ല്
അവര്ക്ക് 1956 ല് ഡി.എസ്സി
ബിരുദവും കൊടുക്കുകയുണ്ടായി.
1939ല് അവര് എഡിന്ബറോയില്
നടന്ന ഏഴാമത് അന്ത്രദ്ദേശീയ ജനിതക കോണ്ഫെറന്സില് പങ്കെടുക്കാന് സ്കോട്ലണ്ടില് എത്തി. എന്നാല് രണ്ടാം ലോക മഹായുദ്ധം തുടങ്ങിയതു കൊണ്ട് അവര്ക്കു തിരിച്ചെത്താന് കഴിഞ്ഞില്ല. തുടര്ന്ന് ആറു വര്ഷം അവര് സി.ഡി.ഡാര്ലിങ്റ്റണി
സഹായി ആയി ജോണ് ഇന്സ് കേന്ദ്രത്തില് പ്രവര്ത്തിച്ചു. അവര് രണ്ടു പേരും കൂടി ക്റുഷി ചെയ്യുന്ന സസ്യങ്ങളുടെ
ക്റോമസോം അറ്റ്ലസ് 1945 ല് പ്രസിദ്ധീകരിച്ചു. തുടര്ന്ന് 1945 മുതല് 1951 വരെ റോയല് ഹോര്ട്ടിക്കള്ചറല് സൊസൈറ്റിയില് സസ്യകോശപഠനത്തിനു ക്ഷണിക്കപ്പെട്ടു.ഇവിടെ വെച്ച് മഗ്നോളിയാസ് എന്ന
സസ്യഗണങ്ങളെ കുറിച്ചും അതിന്റെ സങ്കര ഇനങ്ങളെയും
കുറിച്ച് ഗവേഷണം
നടത്തി.
തുടര്ന്ന് ഭാരത സര്ക്കാര് ഇന്ത്യയിലെ ബൊട്ടാണിക്കല് സര്വേ
പുന:സംഘടിപ്പിക്കാന് വേണ്ടി ക്ഷണിച്ചതനുസരിച്ച്
അലഹബാദിലെ കേന്ദ്ര ബോട്ടാണിക്കല്
ലബൊറട്ടറിയുടെ ആദ്യത്തെ ഡയറക്ടരായി
നിയമിക്കപ്പെട്ടു. 1962 മുതല്
ജമ്മുവിലെ റീജ്യയണല് ഗവേഷണ ലബൊറട്ടറിയില് സ്പെഷ്യല് ഓഫീസറായി
പ്രവര്ത്തിച്ചു. ട്റോംബേയിലെ
ഭാഭാ അറ്റൊമിക് റിസര്ച്
കേന്ദ്രത്തിലും കുറച്ചു നാള് ജോലി ചെയ്തു. 1970 നവംബറിനു ശേഷം
അവര് മദ്രാസില് സ്ഥിരതാമസം
ആക്കി. ആ സമയത്ത് സെന്റര് ഫോര് അഡ്വാന്സ്ഡ് സ്റ്റഡീസിലെ എമിറേറ്റ്സ് സയന്റിസ്റ്റായി പ്രവര്ത്തിച്ചു. അവിടത്തെ ഒരു ലബോറട്ടറിയില് അവര് 1984 ഫെബ്രുവരിയില് മരിക്കുന്നതു
വരെ തന്റെ പഠന
ഗവേഷണങ്ങള് തുടര്ന്നു വന്നു.
അവാറ്ഡുകളും അംഗീകാരങ്ങളും
1.
2000 ജനുവരി
ഒന്നാം തീയതി പ്രസിദ്ധീകരിച്ച ഈ ശതാബ്ദത്തിലെ
ഇന്ത്യന് അമേരിക്കന് വംശജരില് പ്രശസ്തരായവര്രുടെ ലിസ്റ്റില്
ഉള്പ്പെടുത്തിയിരുന്നു.
2.
അമേരിക്കയിലെ
ഏതെങ്കിലും ഒരു സര്വകലാശാലയില്
നിന്നു ആദ്യമായി ഒരു പി.എച്.ഡി നേടിയ ഇന്ത്യന്
വനിതയായി 1931 ല് .
3.
മിച്ചിഗണ്
യൂണിവേര്സിറ്റിയില് നിന്നു ഡി.എസ്.സി. നേടിയ
ഏഷ്യന് വംശജരില് ആദ്യത്തെ വനിതയായിരുന്നു.
4.
ഇന്ത്യന് സയന്സ്
അക്കാഡമിയിലെ ആദ്യത്തെ
വിശിഷ്ടാംഗമായി (Fellow) 1957 ല്
തിരഞ്ഞെടുക്കപ്പെട്ടു.
5.
1977 ല്
ഭാരത സര്ക്കാര് അവര്ക്ക് പത്മശ്രീ
അവാറ്ഡ് നല്കി ബഹുമാനിച്ചു.
6.
2000ല് ഭാരത
സര്ക്കാറിന്റെ പരിസ്ഥിതി വനം വകുപ്പ് മന്ത്രാലയം ജാനകി അമ്മാളിന്റെ പേരില് ഒരു ദേശീയ അവാര്ഡ്
കൊടുത്തു തുടങ്ങി.
7.
ജമ്മുതാവിയിലെ
25000 സസ്യങ്ങള് ഉള്ള ഔഷധ
സസ്യാലയത്തിനു ജാനകി അമ്മാളിന്റെ പേരു
നല്കി.
8.
എഡിന്ബറൊയിലെ
ജോണ് ഇന്ന്സ് കേന്ദ്രത്തില് ജാനകി അമ്മാളിന്റെ
പേരില് ഒരു സ്കോളര്ഷിപ്പ് നല്കിക്കൊണ്ടിരിക്കുന്നു .
അവലംബം
https://en.wikipedia.org/wiki/Janaki_Ammal
അഭിപ്രായങ്ങള്
ഒരു അഭിപ്രായം പോസ്റ്റ് ചെയ്യൂ