ഉഷ ബെര്‍വാലെ സെഹ്ര്‍
നമ്മുടെ സ്വാതന്ത്ര്യാനന്തര
ഭാരതത്തില്‍ ഭക്ഷ്യധാന്യങ്ങളുടെ ദൌര്‍ലഭ്യം വളരെ
ഭീമമായിരുന്നു. 1950-51 ല്‍ വെറും
50 മില്ല്യണ്‍ ടണ്ണില്‍
നിന്ന് 2014-15 ല്‍ അത് 250 മില്ല്യണ്‍ ടണ്ണായി വളര്‍ന്നു. നമ്മുടെ ആവശ്യത്തിനുള്ള ഭക്ഷണം
മാത്രമല്ല കയറ്റുമതി ചെയ്യാനും
കൂടിയുള്ള ഭക്ഷ്യ വസ്തു ഉത്പാദിപ്പിക്കാന്‍ കഴിഞ്ഞു എന്നത്
നിസ്സാര കാര്യമല്ല. എം.എസ്,സ്വാമിനാഥന്‍റെ
അദ്ധ്യക്ഷതയില്‍ നടന്ന ഹരിത വിപ്ലവം ഇതിനു കാരണമായി എന്നത്
നിസ്തര്‍ക്കമാണ്. 2016 മുതല്‍ തുടങ്ങിയ
കുറെ പദ്ധതികള്‍ വഴി 2022
ആകുമ്പോഴെങ്കിലും കര്‍ഷകരുടെ
വരുമാനം ഇരട്ടി ആക്കാന്‍ സര്‍ക്കാര്‍ പരമാവധി
ശ്രമിക്കുന്നുണ്ട്. നമ്മുടെ രാഷ്ട്രത്തിന്‍റെ
ഭക്ഷ്യസുരക്ഷ ഉറപ്പു വരുത്തുന്നതില്‍
അത്യുല്‍പാദനശേഷിയുള്ള വിത്തുകളുടെ ഉപയോഗം കുറച്ചൊന്നുമല്ല സഹായിച്ചിട്ടുള്ളത്. ഇത്തരം വിത്തുകള്‍
വികസിപ്പിച്ചെടുക്കുന്നതില്‍
നമ്മുടെ കാര്‍ഷിക വിപ്ലവത്തിന്‍റെ
പിതാവായി അറിയപ്പെടുന്ന എം.എസ്. സ്വാമിനാഥന്‍റെ സഹപ്രവര്‍ത്തക ആയിരുന്ന
ഒരു വനിതയെപ്പറ്റിയാണ് ഇന്നു
ഈ കുറിപ്പ് എഴുതുന്നത്.
ഭാരതത്തിലെ
ആദ്യത്തെ ജനിതകമാറ്റം വരുത്തിയ
ഭക്ഷ്യസാധനമായ ബി.ടി.വഴുതന വികസിപ്പിച്ചെടുത്ത ശാസ്ത്രജ്ഞയാണ് ഡോ.ഉഷാ ബെര്‍വാലെ സെഹര്‍ എന്ന
വനിത. മഹാരാഷ്ട്ര സങ്കരവിത്തുല്‍പാദന കമ്പനിയുടെ (Maharashtra Hybrid Seeds
Company Private Limited- MAHYCO),ഡയറക്ടര്‍ ആണ്.സസ്യശാസ്ത്രത്തിലെ ഏറ്റവും
മുന്‍നിരയില്‍ നില്‍ക്കുന്ന ഒരു
ശാസ്ത്രജ്ഞയാണിവര്‍.
ബര്‍വാലെ സെഹ്ര്‍
ബൊംബെ സര്‍വകലാശാലയില്‍ വില്‍സണ്‍
കോളേജില്‍ നിന്നു 1981 ല്‍ ബി.എസ്.സി. ബിരുദം നേടി. അതിനു
ശേഷം വിദേശത്തു പോയ അവര്‍ അമേരിക്കയിലെ ഇല്ലിനോയി
സര്‍വകലാശാലയുടെ അര്‍ബാന ഷാമ്പെയിന്‍
ക്യാപസ്സില്‍ നിന്നു ആദ്യം എം.എസ്. ബിരുദവും തുടര്‍ന്ന് 1985 ല്‍ അഗ്രോണമിയില്‍ പി.എച്ച്.ഡി.
ബിരുദവും നേടി. ഡോക്ടൊറല്‍ ബിരുദം
നേടിയതിനു ശേഷം പര്‍ദ്യൂ യൂണിവേര്‍സിറ്റിയില്‍ കുറച്ചു
നാള്‍ ചില പ്രോജെക്റ്റുകളില്‍ ജോലി
ചെയ്തു. ഇന്ത്യയില്‍ തിരിച്ചെത്തിയ അവര്‍
കഴിഞ്ഞ രണ്ട് ദശാബ്ദമായി അവര്‍ പഠിച്ച
സാങ്കേതിക സിദ്ധാന്തങ്ങള്‍ ഉപയോഗിച്ച്
നമ്മുടെ ഭാരതത്തിലെ ഭക്ഷ്യോത്പാദനത്തിന്‍റെ വര്‍ദ്ധനയില്‍
അവര്‍ക്കാകുന്നത് ചെയ്യുന്നു. ലാഭേച്ഛയില്ലതെ പ്രവര്‍ത്തിക്കുന്ന ഒരു ഗവേഷണ
സ്ഥാപനമായ ബര്‍വാലെ ഫൌണ്ടേഷന്‍റെ ഡയറക്ടറായും പ്രവര്‍ത്തിക്കുന്നു. അതോടൊപ്പം തന്നെ ഡോനാല്‍ഡ്
ഡാന്ഫോര്‍ത് സസ്യ ശാസ്ത്രകേന്ദ്രത്തിന്‍റെ ഹരിത
വിപ്ലവശാഖയുടെ ഡയരക്ടര്‍ ബോര്‍ഡ്
അംഗവും ആകുന്നു. ഒരു അന്തര്‍ദ്ദേശീയ വിത്തുല്‍പാദന ഫെഡറെഷന്‍റെ കമ്മറ്റിയുടെ
അദ്ധ്യക്ഷയും ആകുന്നു ഡോ.സെഹ്ര്‍.
അവരുടെ പ്രധാന സംഭാവനകള്‍ പ്ലാന്‍റ് ബയൊടെക്നോളജിയില്‍ ആധുനികരീതികള്‍ ആവിഷ്കരിക്കുകയും അവ
ഉപയോഗിച്ച് ഭക്ഷ്യോല്‍പാദനം വര്‍ദ്ധിപ്പിക്കാന്‍ ശ്രമിക്കുക
എന്നതും ആകുന്നു. സുസ്ഥിരമായ
രീതിയില്‍ ഈ ഭക്ഷോത്പാദന വര്‍ദ്ധന ഉറപ്പാക്കാന്‍ ജനിതക മാറ്റം
വരുത്തിയ വിത്തുകളും ജനിതക
പഠനങ്ങളും ആവശ്യമായി വരുന്നു. കൂടാതെ ഈ
ഭക്ഷ്യവസ്തുക്കളുടെ പോഷകമൂല്യവര്‍ദ്ധനയും
ഈ പദ്ധതിയുടെ ഭാഗം ആകുന്നു. ഭാരതത്തിലെ കര്‍ഷകര്‍ക്ക് വരുമാനം വര്‍ദ്ധിപ്പിക്കാനും അവരുടെ അദ്ധ്വാനം
കുറക്കാനും കഴിയുന്ന സാങ്കേതിക രീതികള്‍ വികസിപ്പിച്ച് പ്രചാരത്തില്‍ ആക്കുക എന്നതും
അവര്‍ നേത്രുത്വം കൊടുക്കുന്ന
ഗവേഷണ സ്ഥാപനത്തിന്‍റെയും
കമ്പനിയുടെയും പ്രധാന ലക്ഷ്യങ്ങള്‍
ആയി.
അവലംബം
https://in.one.un.org/un-priority-areas-in-india/nutrition-and-food-security/
https://www.seedtest.org/upload/cms/user/S1.8.1020.CV.Zehr.pdf
https://european-seed.com/2018/06/competition-means-choices-india-qa-usha-barwale-zehr/
https://mahyco.com/
അഭിപ്രായങ്ങള്‍
ഒരു അഭിപ്രായം പോസ്റ്റ് ചെയ്യൂ