പി.കെ.ത്രേസ്യ - ആദ്യത്തെ വനിതാ ചീഫ് എഞ്ചിനീയര്‍
ഗിണ്ടി എഞ്ചിനീയറിങ്ങ് കോളെജില്‍
ആദ്യം പ്രവേശനം നേടിയ വനിത
ശ്രീമതി ഏ.ലളിത ആയിരുന്നു. അവരെപ്പറ്റി കഴിഞ്ഞ
ദിവസം എഴുതുകയുണ്ടായി. എങ്കിലും അവരുടെ തൊട്ടുപുറകെ
ചേര്‍ന്ന രണ്ട് എഞ്ചിനീയറിങ്ങ് വിദ്യാര്‍ത്ഥിനികള്‍ ആയിരുന്നു
പി.കെ, ത്രേസ്യയും ലീലാമ്മ ജോര്‍ജും. ഇവര്‍ മൂന്നു പേരും
ഒരേ വര്‍ഷം, 1944ല്‍ തന്നെ ആയിരുന്നു ബിരുദം
നേടിയത് , കാരണം
രണ്ടാം ലോകമഹായുദ്ധം മൂലം ത്രേസ്യായുടെ
ജൂണിയര്‍ ബാച്ച് വിദ്യാര്‍ത്ഥികളുടെ
പഠനകാലം മൂന്നര വര്‍ഷം ആയി
കുറച്ചു എന്നതായിരുന്നു.
ശ്രീമതി. ത്രേസ്യ അവര്‍ക്ക് ചീഫ് എഞ്ചിനീയറായി ജോലിക്കയറ്റം കിട്ടിയതിനു ശേഷം മനോരമ ദിനപ്പത്രം കൊടുത്ത
അനുമോദന സമ്മേളനതില്‍ പറഞ്ഞു “ഞാന്‍ ജോലിയില്‍
പ്രവേശിച്ചിട്ട് കഷ്ടിച്ച് മൂന്നു മാസം മാത്രമെ ആയിരുന്നുള്ളു, എന്നാല്‍ അക്കാലം കൊണ്ട് തന്നെ എനിക്കു മനസ്സിലായി ഒരു എഞ്ചിനീയറിന്‍റെ ജോലി ചില സ്ത്രീകള്‍ വിചാരിക്കുന്നതു പോലെ അത്ര വിഷമം ഉള്ളതല്ലെന്ന്.”
കൊച്ചിയില്‍ ജോലിയില്‍
പ്രവേശിച്ച് അധികം താമസിക്കാതെ അവര്‍ക്ക് അസിസ്റ്റന്‍റ് നിര്‍മ്മാണ എഞ്ചിനീയറായി ഉദ്യോഗക്കയറ്റം
കിട്ടി. അവര്‍ ആദ്യമായി ഏറ്റെടുത്ത് നടത്തിയ
ഒരു ജോലി ആയിരുന്നു മുളങ്കുന്നത്തു
കാവ് എന്ന സ്ഥലത്തെ ക്ഷയരോഗ ആശുപത്രി. തുടര്‍ന്ന് എക്സ്സിക്യൂട്ടീവ് എഞ്ചിനീയറായി 1956ല്‍ എറണാകുളത്തേക്കു ആഫീസ് മാറി. അറ്റിസ്ഥാന സൌകര്യ
വികസനത്തില്‍ എര്‍പ്പെട്ട അവര്‍ അവരുടെ ഭരണകാലത്ത്
ഓരോ വര്‍ഷവും 35 ഓളം പാലങ്ങള്‍ നിര്‍മ്മിക്കുന്നതിനു ഭരണ നേത്രുത്വം കൊടുത്തു. റോഡ് നിര്‍മ്മാണവും
അതോടൊപ്പം ചെയ്തിരുന്നു. പൊതുമരാമത്തു വകുപ്പിന്‍റെ മേല്‍നൊട്ടത്തില്‍ നിര്‍മ്മിച്ച
പല ആശുപത്രികളുടെയും നിര്‍മ്മാണ മേല്‍നൊട്ടവും വഹിച്ചു. കൊഴിക്കോട് മെഡിക്കല്‍ കോളേജിലെ സ്ത്രീകളുടെയും കുട്ടികളുടെയും ആശുപത്രി
കെട്ടിടം ശ്രീമതി ത്രേസ്യയുടെ അദ്ധ്യക്ഷതയില്‍ ആണു നിര്‍മ്മിച്ചത്. പുതിയ പരീക്ഷണങ്ങള്‍
നടത്തുന്നതില്‍ മടി ഇല്ലാഞ്ഞ അവര്‍ നമ്മുടെ റോഡുകളില്‍
ബിറ്റുമിന്‍ റബ്ബര്‍ മിശ്രിതം
വിജയകരമായി ഉപയോഗിച്ചു തുടങ്ങി. അവര്‍
ഇന്ത്യന്‍ റോഡ് കോണ്ഗ്രെസ്സിന്‍റെ സ്പെസിഫിക്കേഷന്‍ & സ്റ്റാന്ഡാര്‍ഡ്സ് കമ്മിറ്റിയില്‍
അംഗമായും പ്രവര്‍ത്തിച്ചു.
ആദ്യകാല ജീവിതവും
വിദ്യാഭ്യാസവും
ത്രേസ്യ 1924 മാര്‍ച്ച്
12 ന്‍ ഒരു യാഥാസ്തിതിക
സിറിയന്‍ കത്തോലിക്ക കുടുംബത്തില്‍ ആണ് ജനിച്ചത്. കാട്ടൂര്‍ എന്ന സ്ഥലത്തെ
സെന്‍റ് മേരീസ് ഹൈസ്കൂളില്‍ ആയിരുന്നു
പ്രാഥമിക വിദ്യാഭ്യാസം . അവരുടെ
പിതാവിന്‍റെ പ്രോത്സാഹനത്തോടെ അവര്‍ മദിരാശിയിലെ
ഗിണ്ടി എഞ്ചിനീയറിങ്ങ് കോളെജില്‍
സിവില്‍ എഞ്ചിനീയറിങ്ങ് വിദ്യാര്‍ത്ഥി
ആയി ചേര്‍ന്നു. ലളിത ഒരു വര്‍ഷം മുമ്പു തന്നെ അവിടെ ചേര്‍ന്നിരുന്നു, ത്രേസ്യയുടെ കൂടെ ലീലാമ്മ
ജോര്‍ജ് എന്ന വിദ്യാര്‍ത്ഥിനിയും ഉണ്ടായിരുന്നു. മൂവരും 1944ല്‍ ഒരുമിച്ച് ബിരുദം നേടുകയും ചെയ്തു.
എഞ്ചിനീയറിങ്ങ് ഉദ്യോഗം
മുമ്പ് സൂചിപ്പിച്ചതു പോലെ കൊച്ചി നാട്ടുരാജ്യത്തിലെ പൊതുമരാമത്തു വകുപ്പില്‍ ജോലിയില്‍ ചേര്‍ന്നു. ആ സമയത്താണ് മുളംകുന്നത്തുകാവിലെ ക്ഷയരോഗ
ആശുപത്രി നിര്‍മ്മിച്ചത്. തുടര്‍ന്നു
1956 ല്‍ അവര്‍ എക്സിക്യുട്ടീവ് എഞ്ചിനീയറായി എറണാകുളത്തെത്തി. 1966 വരെ എഞ്ചിനീയര്‍ ത്രേസ്യ എറണാകുളത്തു ജോലിയില്‍ തുടര്‍ന്നു. 1966 ല്‍ അവര്‍ക്ക് കോഴിക്കോട്
റോഡ്സ് & ബ്രിഡ്ജസ് വകുപ്പില്‍ സൂപ്രണ്ടിങ്ങ് എഞ്ചിനീയറായും പ്രവര്‍ത്തിച്ചു.
1971ല്‍ അവര്‍ക്കു പൊതുമരാമത്തു
വകുപ്പില്‍ ചീഫ് എഞ്ചിനീയറായി
സ്ഥാനക്കയറ്റം കിട്ടി തിരുവനന്തപുരത്തേക്ക് നീങ്ങി . എഞ്ചിനീയര്‍ ത്രേസ്യ 1979 ല്‍
കേരളാ പൊതുമരാമത്തു വകുപ്പില്‍ നിന്നു 34 വര്‍ഷത്തെ ദീര്‍ഘകാല
സേവനം പൂര്‍ത്തിയാക്കി ജോലിയില്‍ നിന്ന്
വിരമിച്ചു. അതിനുശെഷം ‘ടാജ് എഞ്ചിനിയെര്‍സി’ന്‍റെ സ്ഥാപക
ഉപദേശകയുമായി.
എഞ്ചിനീയര്‍ ത്രേസ്യ വിവാഹം കഴിച്ചിരുന്നില്ല. അവരുടെ അമ്മയും സഹോദരങ്ങളും
ആയിരുന്നു അവരുടെ കൂടെ ഉണ്ടായിരുന്നത്.
1981
നവംബര്‍ 18 നു അവര്‍ മസ്തിഷ്കത്തില്‍ ഒരു ട്യൂമര്‍
ബാധിച്ചു ദിവംഗതയായി.
അവലംബം
https://feminisminindia.com/2020/05/14/pk-thresia-woman-indias-first-chief-engineer/
https://en.wikipedia.org/wiki/P.K._Thressia
അഭിപ്രായങ്ങള്‍
ഒരു അഭിപ്രായം പോസ്റ്റ് ചെയ്യൂ