14.അര്ച്ചന ശര്മ്മ
അര്ച്ചന ശര്മ്മ ഒരു സസ്യശാസ്ത്രവിദഗ്ദ്ധയും സസ്യങ്ങളുടെ ജനിതക വിദഗ്ദ്ധയുമായിരുന്നു. ലിംഗഭേദമില്ലാത്ത സസ്യങ്ങളുടെ ജനിതക സ്വഭാവങ്ങള്, അവയുടെ ബയോളജി, അവയെ മറ്റു
വിഷവസ്തുക്കള് എങ്ങനെ ബാധിക്കുന്നു
(toxicology) എന്നിവ
അവര് വിശദമായി ആദ്യമായി പഠിച്ചു.
പ്രായ പൂര്ത്തിയായ സസ്യ
കോശങ്ങളുടെ ന്യൂക്ലിയസിന്റെ വിഭജനം ജനിതക സ്വഭാവങ്ങള്, വെള്ളത്തില് ആര്സെനിക് കലര്ന്നാല് ഉള്ള വ്യതിയാനങ്ങള് എന്നിവയും
അവരുടെ പഠനവിഷയമായി. അവരുടെ
ഏറ്റവും മഹത്തായ സംഭാവന പൂക്കള് ഉണ്ടാകുന്ന
സസ്യങ്ങളുടെ ക്രോമസൊമുകളെപറ്റിയുള്ള
പഠനങ്ങളായിരുന്നു.
അര്ച്ചന ശര്മ്മ
1932 ജൂണ് മാസം 16 നു പൂനയില് ജനിച്ചു. അക്കാഡമിക് വിദഗ്ദ്ധരുടെ
ഒരു കുടുംബമായിരുന്നു അവരുടേത്, അവരുടെ അച്ഛനും
മുത്തച്ഛനും കോളേജ് പ്രൊഫസര്മാരായിരുന്നു. രാജസ്ഥാനിലെ ബിക്കാനീറില്
നിന്ന് ബി.എസ്.സി ബിരുദം നേടി. തുടര്ന്ന്
കൊല്ക്കട്ടാ യൂണിവേര്സിറ്റിയില് നിന്നു
1951 ല്
നിന്നു എം.എസ്.സി ബിരുദവും 1955 ല് പി.എച്.ഡി. ബിരുദവും നേടി. ഭാരതത്തിലെ ഏറ്റവും പഴയ
രണ്ടാമത്തെ സര് വകലാശാലയായിരുന്നു കൊല്ക്കട്ടാ
യൂണിവേറ്സിറ്റി. 1960 ല് അര്ച്ചന ശര്മ്മ അവിടെ നിന്നു പി.എച്.ഡി നേടിയ രണ്ടാമത്തെ
വനിതയായിരുന്നു. അവരുടെ പഠന
വിഷയങ്ങള് സസ്യകോശങ്ങള്, മനുഷ്യ ജനിതകശാസ്ത്രം, പരിസരസംബന്ധമായ ജനിതക
രൂപാന്തരണം (Cytogenetics, Human Genetics and Environmental Mutagenesis) .എന്നിവയായിരുന്നു.
ഔദ്യോഗിക ജീവിതം
1967 ല്
അര്ച്ചന ശര്മ്മ കൊല്ക്കട്ടാ യൂണിവേര്സിറ്റിയില്
അദ്ധ്യാപികയായി ചേര്ന്നു. 1972ല് കോശങ്ങളുടെയും ക്രോമസോമുകളുടെയും പഠന ഗവേഷണ കേന്ദ്രത്തിലെ പ്രൊഫസറായി. 1981ല് അവര് ബോട്ടണി
വിഭാഗത്തിലെ അദ്ധ്യക്ഷയായി, അവരുടെ ഭര്ത്താവ്
പ്രൊഫ.ഏ.കെ.ശര്മ്മയുടെ പിന്ഗാമിയായി 1983
വരെ അവിടെ തുടര്ന്നു. അവരുടെ ദീര്ഘമായ
അക്കാഡമിക് ജീവിതത്തില് അവര്
70 വിദ്യാര്ത്ഥികള്ക്ക് പി.എച്.ഡി.ക്കു വഴികാട്ടിയായി.
അവരുടെയും വിദ്യാര്ത്ഥികളുടെയും ഗവേഷണം ബോട്ടാണിക്കല് സയന്സില് വളരെയധികം
നൂതനസംഭാവനകള് ഉള്ക്കൊള്ളുന്നതായിരുന്നു. ലിംഗ വ്യത്യാസമില്ലത്ത സസ്യങ്ങളുടെ പ്രജനനം, പ്രായപൂര്ത്തിയായ കോശകേന്ദ്രത്തില് പ്രേരിത വിഭജനം, കോശങ്ങളില് ടോക്സിനുകളുടെ
പ്രതിപ്രവര്ത്തനം, പുഷ്പങ്ങള് ഉണ്ടാകുന്ന ചെടികളുടെ
കോശടാക്സോണമി, ജലത്തില്
ആര്സെനിക്കിന്റെ ഫലം എന്നിവ ഇവയില് പെടുന്നു. അവര് മനുഷ്യരിലെ
ജനിതകരീതികളെ കുറിച്ചും
സാധാരണ മനുഷ്യജീവികളിലെ ജനിതക പോളിമോര്ഫിസമെന്ന വിഷയത്തിലും ചില നൂതന
കണ്ടെത്തലുകളിലെത്തി ചേര്ന്നു.
അവര്
യൂണീവേര്സിറ്റി ഗ്രാന്റ്സ് കമ്മീഷന്, വനിതകളുടെ ദേശീയ
കമ്മീഷന്, ശാസ്ത്രപരിസ്ഥിതി ഗവേഷണ കൌണ്സില്, സയന്സ് & എഞ്ചിനീയറിങ് ഗവേഷണ
കൌണ്സില്, ഒവെര്സീസ് ഉപദേശക സമിതി എന്നിവയിലെല്ലാം
അംഗമായിരുന്നു. ബയോടെക്നോളജി ഡിപ്പാര്ട്ടുമെന്റിലെ മനുഷ്യവിഭവശക്തി വര്ദ്ധിപ്പിക്കാനുള്ള പ്രത്യേക
ഉപദേശക സമിതിയുടെ
അദ്ധ്യക്ഷയുമായിരുന്നു. ഭാരത സര്ക്കാറിന്റെ കീഴിലുള്ള പല
നിറ്ണായക നയപരമായ തീരുമാനങ്ങള് എടുക്കാനുള്ള പല
സമിതികളിലും അവര് അംഗമായിരുന്നു.യുനെസ്കോയുമായി സഹകരണത്തിനുള്ള
ഭാരത സര്ക്കാറിന്റെ സമിതിയില് അവര് ഉള്പ്പെട്ടിരുന്നു. യു.ജി.സി, സയന്സ് & ടെക്നോളജി , ബയൊടെക്നോളജി ഡിപ്പാര്ട്ടുമെന്റുകളിലും അവര്
നിറ്ണായ സാന്നിദ്ധ്യം ആയിരുന്നു.
അവരുടെ ഔദ്യോഗിക
ജീവിതത്തിനിടയില് അവര് 10 പുസ്തകങ്ങളും ഏകദേശം 400 ഓളം ഗവേഷണ പ്രബന്ധങ്ങളും പ്രസിദ്ധീകരിച്ചു. 1965 ല്
അവരും ഭര്ത്താവ് ഏ.കെ.ശര്മയുമായി
പ്രസിദ്ധീകരിച്ച Chromosome Techniques -
Theory and Practice എന്ന പുസ്തകം
ഈ വിഷയത്തില് ഉള്ള ആധികാരിക
ഗ്രന്ധങ്ങളില് ഒന്നാണ്. ന്യൂക്ലീയസ്
എന്ന പേരില് സൈറ്റോളജിയില് ഒരു
അന്തര്ദേശീയ മാസിക അവര് പ്രസിദ്ധീകരിച്ചു . ഇന്ത്യന് ജേറ്ണല് ഓഫ്
ബയോളജി, ഇന്ത്യന് സയന്സ് അക്കാഡമിയുടെ
പ്രൊസീഡിങ്സ് എന്നിവയുടെ എഡിറ്റോറിയല്
ബോറ്ഡിലും അവര് അംഗമായിരുന്നു. സി.ആര്.സി, ഒക്സ്ഫോറ്ഡ്,
ഐബിഎച് ,ക്ലുവെര് അക്കാഡെമിക്, ഗോറ്ഡന് & ബീച് എന്നീ
പ്രസിദ്ധീകരണ കമ്പനികളുടെ ചില പുസ്തകങ്ങളുടെ
എഡിറ്ററും ആയിരുന്നു.
അര്ച്ചന ശര്മ്മയുടെ
ഭര്ത്താവ്, ഇന്ത്യന് സൈറ്റോളജിയുടെ പിതാവ് എന്നറിയപ്പെടുന്ന അരുന് കുമാര് ശര്മ്മ
ആയിരുന്നു .
അര്ച്ചന ശര്മ്മ 2008
ജനുവരി 14 നു ദിവംഗതയായി
അവാര്ഡുകളും സമ്മാനങ്ങളും
·
ജി.പി. ചാറ്റര്ജി അവാര്ഡ് 1995
·
എസ്.ജി. സിന്ഹ
അവാര്ഡ് 1995
·
പദ്മഭൂഷണ് അവാര്ഡ്, 1984
·
ബിര്ബല് സാഹ്നി മെഡല് 1984
·
FICCI അവാര്ഡ് 1983
·
ഇന്ത്യന് അക്കാഡമി ഓഫ്
സയന്സ് ഫെലോഷിപ് 1977
·
ശാന്തി സ്വരൂപ് ഭട്നഗര് അവാര്ഡ് 1975
·
ജെ.സി.ബോസ് അവാര്ഡ്, 1972
അവലംബം
1. INSA India
2. Indian Botanist
3. https://en.wikipedia.org/wiki/Archana_Sharma_(botanist)
അഭിപ്രായങ്ങള്
ഒരു അഭിപ്രായം പോസ്റ്റ് ചെയ്യൂ