9 പ്രീതി ശങ്കര് - പ്രൊഫസര്
അമേരിക്കയിലെ മെരിലാന്ഡില്
നിന്നു 1972 ല് കമ്പ്യൂട്ടര്
സയന്സില് പി.എച്.ഡി. നേടിയ ഒരു
അദ്ധ്യാപിക, ഗവേഷക, വിദ്യാഭ്യാസ വിദഗ്ദ്ധ
എന്നിവയൊക്കെ ആയിരുന്നു
പ്രീതി ശങ്കര്. അവര് അമേരിക്കന് സര്വകലാശാല
അസ്സൊസിയേഷനില് നിന്നു
പ്രത്യേക സ്കോളര്ഷിപ്പ്നേടി. IEEE (ഐട്രിപ്ലീ) യുടെ അതി
വിശിഷ്ട സന്ദര്ശക പ്രാസംഗിക, ഇന്ത്യന്
ഇന്സ്റ്റിറ്റ്യൂട് ഓഫ് സയന്സില്
നിന്ന് ഏറ്റവും നല്ല അദ്ധ്യാപികക്കുള്ള ജയ-ജയന്ത് അവാര്ഡ് എന്നിവ നേടി. പ്രീതി ശങ്കര്
കമ്പ്യൂട്ടറുകളിലെ അനുപെക്ഷണീയ ഘടകമായ കമ്പൈലറിന്റെ രൂപകല്പ്പനയിലും പ്രൊഗ്രാം
കോഡിങ്ങിലും പ്രത്യേക വൈദഗ്ദ്ധ്യം ഉള്ളവറായിരുന്നു ..
പ്രീതി 1947 സെപ്റ്റംബറില് പൂനായില്
ആണ് ജനിച്ചത്. ഗോവയില് ജനിച്ച അച്ഛന് ഇനൊസെന്ഷ്യോ മോണ്ടീറൊ ഇന്ത്യന് മിലിട്ടറിയിലെ ബ്രിഗേഡിയര് ആയിരുന്നു. അമ്മ ഫ്രെഞ്ച്
ഭാഷയും ഗണിത ശാസ്ത്രവും പഠിപ്പിക്കുന്ന അദ്ധ്യാപികയും. 1958 ല് പ്രീതിയുടെ
മാതാപിതാക്കള് പൂനയില്
നിന്നു ജമ്മുവിലേക്കു ജോലി
പ്രമാണിച്ചു സ്ഥലം മാറ്റം
ആയി. മൊണ്ടീറൊവിനു ഇന്ത്യ -പാകിസ്ഥാന് അത്റുത്തിയില് സുരങ്കോട് എന്ന
സ്ഥലത്തായിരുന്നു പോസ്റ്റിങ്. ആറു
മാസം സ്കൂള് പഠനം
നഷ്ടപ്പെട്ട പ്രീതിയെ
അമ്മയാണ് വീട്ടില് ഇരുത്തി പഠിപ്പിച്ചത്. ഏതാനും വര്ഷങ്ങള് കഴിഞ്ഞു പ്രീതി
പൂനയിലേക്കു മടങ്ങി. അവിടെ ഫെര്ഗൂസന്
കോളേജില് ചേര്ന്നു. അതിനു ശേഷം അവര്
ഡല്ഹിയിലെ ഇന്ത്യന്
ഇന്സ്റ്റിറ്റ്യൂട് ഓഫ്
ടെക്നോളജിയില് ചേര്ന്നു 1968 ല്
അവിടെ നിന്നു പാസായ ആദ്യത്തെ വനിതാ ബി.ടെക്. ഇലക്ട്രിക്കല് എഞ്ചിനീയറായി. അതിനുശേഷം അമേരിക്കയിലെ
മേരിലാന്ഡ് (കോളേജ് പാര്ക്ക്) സര്വകലാശാലയില് ഉന്നത വിദ്യാഭ്യാസം
നേടാന് അപേക്ഷിച്ചു. അവിടെ
പി.എച്.ഡി.ക്കു ചേര്ന്നു. 1972 ല് അവര്
അവിടെ നിന്നു പി.എച്.ഡി. ബിരുദം നേടി ഒരു വര്ഷം കഴിഞ്ഞ്
അവര് ഇന്ത്യയിലേക്ക് തിരിച്ചു
പോന്നു. ഇന്ത്യന് ഇന്സ്റ്റിറ്റ്യൂട്ട്
ഓഫ് സയന്സിലെ ആട്ടൊമേഷന് കേന്ദ്രത്തില് അസിസ്റ്റന്റ്
പ്രൊഫസറായി നിയമനം നേടി. 1979 ല് പ്രീതി കമ്പ്യൂട്ടറിലെ BCH കോഡ്
വികസിപ്പിക്കുന്നതില് നേത്രുത്വം ഏറ്റെടുത്തു. ഈ കോഡ്
അമൂര്ത്തമായ ക്ഷേത്രങ്ങളുടെയും
വലയങ്ങളുടെയും വിശദീകരണത്തിനു
പ്രയോജനപ്പെട്ടു. 2002ല്
പ്രീതിയെ സി.ആര്.സി.
പ്രെസ്സിലെ എഡിറ്ററായി തിരഞ്ഞെടുത്തു. റെസൊണന്സ്
എന്ന ഇന്ത്യന് സാങ്കേതിക മാസികയുടെ നേത്രുത്വ
ബോര്ഡിലേക്കും നിയമിക്കപ്പെട്ടു.
പ്രീതിയുടെ സഹോദരന് വിവേക് മൊണ്ടീറൊ
ഒരു ഊര്ജതന്ത്ര വിദഗ്ദ്ധനായിരുന്നു. സഹോദരി അഞ്ജലി
ഒരു ചലചിത്രനിര്മ്മാതാവും
മീഡിയ പഠനത്തിലെ പ്രൊഫസറും
മറ്റൊരു സഹോദരി നന്ദിതാ ഡിസൂസ
ശിശുരോഗ ഡോക്ടറും ആയിരുന്നു. 1974
ല് പ്രീതി ബാംഗളൂര് നാഷണല് എയറോനോട്ടിക്കല് ലബൊറട്ടറിയിലെ സയന്റിസ്റ്റായിരുന്ന
പി.എന്.ശങ്കറിനെ വിവാഹം കഴിച്ചു, ഈ ദമ്പതികള്ക്ക് 1976 ല് നചികേത് എന്ന മകനും 1983
ല് മ്റുദല എന്ന പേരില് ഒരു മകളും
ജനിച്ചു.
2007 ല് പ്രീതി
ശങ്കര് ഏറ്റവും നല്ല
അദ്ധ്യാപികയ്ക്കുള്ള ജയ-ജയന്ത്
അവാര്ഡ് അവാര്ഡ് നേടി. 2006 നും 2009
നും ഇടയില് ലോകത്തിലെ
ഏറ്റവും വലിയ പ്രൊഫഷണല് സംഘടനയായ ഇന്സ്റ്റിറ്റ്യൂട് ഒഫ്
ഇലക്ട്രിക്കല് &
ഇലക്ട്റോണിക്സ് എഞ്ചിനിയേറ്സിന്റെ(IEEE)
വിശിഷ്ട സന്ദ്രര്ശക പ്രാസംഗികയായി
തിരഞ്ഞെടുക്കപ്പെട്ടു. അവര് 2011 ഒക്ടോബറില് ദിവംഗതയായി.
പ്രീതിയുടെ പേരില് ഗണിത
ശാസ്ത്ര ശാസ്ത്രവായനശാല ഇന്ത്യന്
ഇന്സ്റ്റിറ്റ്യൂട്ട് ഓഫ് സയന്സിലെ
UMED കെട്ടിടത്തില്
പ്രവര്ത്തിക്കുന്നു.
അവലംബം
https://en.wikipedia.org/wiki/Priti_Shankar
അഭിപ്രായങ്ങള്
ഒരു അഭിപ്രായം പോസ്റ്റ് ചെയ്യൂ