ഭാരതത്തിന്‍റെ ഭരണഘടന ഉണ്ടാക്കിയ സഭയില്‍ അംഗമായിരുന്ന ഒരേ ഒരു കേരളീയ വനിതയായിരുന്നു ശ്രീമതി. ദാക്ഷായണീ വേലായുധന്‍. 11 സ്ത്രീകള്‍ ഉണ്ടായിരുന്ന സഭയില്‍ ഒരേ ഒരു കേരളീയ വനിത , അതും കൊച്ചിയില്‍ ജനിച്ചു വളര്‍ന്നയാള്‍. പല കാര്യത്തിലും ദാക്ഷായണി അതുല്യയും മുമ്പില്‍ നിന്ന ആളും ആയിരുന്നു. കീഴ് ജാതിക്കാര്‍ എന്നു പറഞ്ഞ് അവഗണിക്കപ്പെട്ടവരുടെ ഇടയില്‍ നിന്നും ശരിക്കും ഭാരതത്തിന്‍റെ ഭാവി നിശ്ചയിച്ച ഭരണഘടന ഉണ്ടാക്കുന്ന സഭയില്‍ വരെ എത്തിയവര്‍. പുലയര്‍ സമുദായത്തില്‍ ജനിച്ച അവര്‍ അവരുടെ സമുദായത്തില്‍ നിന്ന് ആദ്യമായി ഉന്നത വിദ്യാഭ്യാസം നേടി. അവരുടെ കുടുംബത്തില്‍ നിന്ന് ആദ്യം മാറു മറച്ചു പുറത്തിറങ്ങിയ സ്ത്രീ , പട്ടികജാതിയില്‍ നിന്ന് ആദ്യത്തെ ബിരുദധാരി , ശാസ്ത്ര വിഷയം പഠിച്ചയാള്‍...
കേരളത്തില്‍ നിന്നു സ്വാതന്ത്ര്യ സമരരംഗത്തും രാഷ്ട്രനിര്‍മ്മാണത്തിലും സ്തുത്യര്‍ഹമായ പങ്കു വഹിച്ച ദാക്ഷായണി വേലായുധനെയും അമ്മു സ്വാമി നാഥനെയും പോലെ മുന്‍നിരയില്‍ നില്‍ക്കുന്ന മറ്റൊരു വനിതാരത്നം ആയിരുന്നു ഏ വി കുട്ടിമാളു അമ്മ. സ്വാതന്ത്ര്യ സമര സേനാനി . സ്വദേശി പ്രസ്ഥാനത്തിന്‍റെ പ്രചാരക , സാമൂഹ്യ പ്രവര്‍ത്തക , ഖാദിവ്യവസായത്തെ പ്രോത്സാഹിപ്പിച്ചവര്‍ , ഇന്ത്യന്‍ നാഷണല്‍ കൊണ്ഗ്രെസ്സിന്‍റെ സജീവ പ്രവര്‍ത്തക എന്നീ നിലയില്‍ പ്രശസ്തയായ അവര്‍ ഒരു അസാധാരണ സ്ത്രീ ആയിരുന്നു. കേരളത്തിലെ സ്വാതന്ത്ര്യ സമര ചരിത്രത്തില്‍ മുന്നണിപ്പോരാളിയായിരുന്ന അവര്‍ ബ്രിട്ടീഷുകാര്‍ക്ക് തലവേദനയാ യിരുന്നു. സമരത്തില്‍ ഇടപെട്ടു കഷ്ടിച്ചു രണ്ട് മാസം പ്രായമുള്ള കുഞ്ഞുമായി അവര്‍ ആദ്യം ജയില്‍ വാസം അനുഭവിച്ചു. പാലക്കാട് ജില്ലയിലെ ആനക്കര വില്ലെജില്‍ 1905 ഏപ്രില്‍ 23 നു ആനക്കര വടക്കത്ത് കുടുംബത്തില്‍ ആയിരുന്നു അവരുടെ ജനനം. ആ കുടുംബത്തില്‍ നിന്നു ...